ஒரே நகையாய் இருந்தது குனி முத்துவிற்கு .
( கட்டை விரலில் பட்டை அடித்து கொண்டு மிரட்டும் அவன் தலைவனின் படம் தங்கி கொண்ட தங்க மோதிரத்தை ஒத்த , அவன் மொத்த உடம்பையும் உறுத்தி கொன்டிருந்த நகைகளை சொல்ல வில்லை )
நீதிமன்ற கூண்டில் நிற்க வைக்கப்பட்டிற்கும் அப்புவை பார்த்து தான் .
ஊரே பற்றி எரியும் பொழுது , அவசர அவசரமாய் தலைவனின் படத்தை தீ அணைப்பு வண்டியில் தீட்டி எடுத்து வருவதற்குள் தீவட்டி அப்பு தன் சொந்த செலவில் தண்ணி டாங்குகளை கொண்டு வந்து அனைத்து விட்டு இருந்தான்.
தலைவனிடம் நல்ல வசை குனிமுத்து விற்கு. இன்னொரு எம்.எல்.ஏ அடி சரணம் உதவிக்கு வரும் ஹெலிகாப்டரிலயே தலைவனின் படத்தை வரைத்து வைத்திருக்கிறானாம். தயார் நிலையில் இல்லாத குனிமுத்துவிற்கு வருவாய் இல்லா குடி( சை)பாக்கம் தொகுதி ஒதுக்கப்பட்டது அடுத்த தேர்தலில் .
அப்பு அவனிமிருந்து பறிக்கப்பட்ட தொகுதியில் நின்று வென்று விட்டான் .
முதல் நாள் சட்ட சபைக்கு அப்பு நுழையும் பொழுது தடுத்தவாறு குறுக்கே நின்றான் குனி முத்து
" கொஞ்சம் வழியை விடுங்கள் " என்றான் அப்பு .
" முடியாது " என்றான் விராப்புடன் குனிமுத்து .
" தயவு செய்து வழியை விடுங்கள் " அப்பு.
" முடித்தால் தள்ளி விட்டு செல் " என்றபடி எதாவது அவன் வம்படி செய்தால் எப்படி நயமாக கூப்பாடு போட்டு தன் அட்களை வரவழைத்து அவனை நய்ய புடைப்பது என்ற பகல் கனவில் ஆழ்ந்தான்.
அப்பு அமைதியாக சென்றதில் பெரும் ஏம்மாற்ற வெள்ளத்தில் முழ்கி கொண்டிருந்த மனதிற்கு தலைவன் படம் பெயின்ட் அடித்த தோனியாய் வந்தது அந்த யோசனை .
" மான நஷ்ட வழக்கு "
நீதிபதி குமரேசன் தான் . அவர் பணி ரெண்டாவதில் கணக்கில் ஃபெயில் லான பொழுது குனிமுத்துவின் அப்பா தான் கொஞ்சம் குடுத்துது பாஸ் வாங்கி குடுத்து பி.எல் லிலும் சேர்த்து விட்டார். ( தன் பையனுக்கு பின்னாடி முன் ஜாமின் எடுக்க பயனாய் இருக்கும் என்று )
அதுதான் அப்படி ஒரு நகை .
" அப்பு. கொஞ்சம் வழியை விடுங்கள் என்று என் கட்சி காரரை பார்த்து சொல்லி இருக்குறீர்கள் " என்ற குனி முத்துவின் வக்கீல் உண்மையிலேயே அவர் கட்சிகாரர்தான்
" கொஞ்சம் " " நோட் திஸ் பாயின்ட் யுவர் ஆனர் " " கொஞ்சம் வழியை விடுங்கள். . வழியை விடுங்கள் என்று சொல்லியிருக்கலாம் . ஆனால் கொஞ்சம் என்று ஏன் கூறினார். குனிமுத்து குண்டானவர் . அவர் வழி விட்டால் கொஞ்சம் தான் இடம் கிடைக்கும் என்ற அர்த்தத்தில் என் கட்சிகாரரின் மானத்தை அனைத்து கட்சியினரும் இருக்கும் சட்டசபையின் வாசலில் வைத்து வாங்கி இருக்கிறார் இந்த அப்பு "
நல்ல வேளை நீதி தேவதையின் கண்ணோடு காதையும் சேர்த்து கட்டி யிருந்ததால் தப்பினாள்.
" அதோடு நிறுத்தி இருக்கலாம் . ஆனால் அப்பு ஒரு படி மேலே போய் தயவு செய்து வழியை விடுங்கள் என்று கூறி இருக்கிறார். இதன் மூலம் குனிமுத்து தயவே இல்லாத ஒரு கல் நெஞ்ச குரூர கருணையே இல்லாத தாளி அறுக்கும் காளிப்பயல் என்ற அர்த்தத்தில் என் கட்சிகாரரின் நெஞ்சத்தை புல்லட் போல் தாக்கி புண்ணாக்கி இருக்கிறது அந்த ஈனமான வார்த்தை "
" கொஞ்சம் மற்றும் தயவு செய்து ஆகிய கொடும் வார்த்தைகளை பயன் படுத்திய அப்பு தான் செய்தது தப்பு என்று உணரும் வகையில் வார்த்தை ஒன்றிருக்கு ஒராண்டாக மொத்தம் மூன்றாறாண்டுகள் ( இவரும் கணக்கில் வீக்கு ) தண்டனையை குடுத்து கொஞ்சம் தயவு செய்ய வேண்டும் யுவர் ஆனர் . "
அப்பு வக்கீல் எடக்கான் எழுந்தார்.
" ஒரு நூறு ருபாய் பையிலிருந்து களவாட பட்டால் பையின் சொந்த காரரிற்கு நூறு ருபாய் நஷ்டம். ஆனால் அவர் வழக்கு தொடுப்பதற்கு முன் தன் பையில் நூறு ரூபாய் இருந்ததற்கு ஆதாரம் தர வேண்டும் "
அர்த்தம் புரியாமல் புருவத்தை உயர்த்தினார் நீதிபதி .
" இல்லாத பணம் களவாடபட்டு நஷ்டம் ஆகாது "
" மான நஷ்ட வழக்கு போட்டிருக்கிறார்கள் . குனிமுத்து விற்கு மானம் இருந்தது என்பதற்கு என்ன ஆதாரம் ? "
கண்ணை கட்டியிருந்த துணி சற்று தளற நீதி தேவதை காதை கொஞ்சம் வெளியே நீட்டியது.
